Hadia nifotöi KBG Andrö?

Bakha ba gofanöwa Gereja Katolik Keuskupan Sibolga, oya sibai lala halöwö sinangea mufalua ena’ö mofozu gohitö dodo Gereja Katolik Keuskupan Sibolga Mandiri, Solider ba Membebaskan. Ena’ö tola mofozu gohitö dödö andrö, ba mufalua fefu lala halöwö andrö ba ziföföna sibai ya’ia ba gotalua umat fondrege zide’ide. Angowuloa umat fondrege zide’ide andrö ba lafotöi ia KBG.

 

Ilustrasi KBG [Foto Dok. Pribadi]

KBG andrö ba no fehede fangadogo moroi ba wehede “Komunitas Basis Gereja” ma na lafo’eluaha ia ba li niha: Angowuloa Umat ba ngafu side’ide. Angowuloa da’e ba tenga fogati stasi ma fanga’azökhi sambua stasi sibohou. KBG andre ba no sambua ndrela wa’owulo umat ba zifahatö nahia wa’atoröi. 

KBG andre göi ba no sambua lala wa’auri sibohou ba gofanöwa wamati Gereja (cara baru hidup menggereja). Hadia mbörö wa KBG andre tobali ia lala wa’auri sibohou? Tobali lala wa’auri sibohou ya’ia me no ibörögö larasoi ira sondrönia’ö ba Gereja wa fa’owulo umat ba wamati ero inötö mo’ambota. Sambua mboro wa’alua zimanö ya’ia me nahia wa’atoröi, no fandröndröu. (mamatohu…)

Nifa’anö Kat. Ingatan Sihura, S.Ag.

Umbu:

Keuskupan Sibolga, Panduan Pengembangan Komunitas Basis Gerejawi di Keuskupan Sibolga Menuju Gereja Mandiri Solider dan Membebaskan Sibolga, Keuskupan Sibolga, 2018