Owo si'öna'öna
Na sökhi wangehao ya'ia
Tobali ia aya'aya
Tundraha ia ba wangai i'a,
Owo ia sanaya niha
Samaföfö ia wangalui soguna,
Sangehao ia wamaeri niha
Tundraha ia nifalegalega
Owo ia nifolayalaya
Ha solo'ö ia na so mbade sebua
Amurinia sa wamatörö lala
Tundra ia nisola faoma alukha
Owo ia sofanö nihayahaya
Amuri nifahole wamataba
Sao nitibo'ö ba wanaha
Tundraha zide'idenia
Owo zitohude moroi ba dundraha
No ide'ide ia wa'asöla
No ihaomöhaomö ia börö waebua
Röfaröfa wamadaya tundraha
Nilulugö nangi nowo sebua
Oya wanandraigö wanörö tundraha
Ha sifa'alai zi so ba nowo sebua
Ha sonekhe wanörö tundraha zangila mamataba
Ha sonekhe wanörö owo zanimba sao sebua
Da'ö ia wongambatösa
So zafökhö so zakao ba gofanöwa
Lö famabörö lö famalala
Me no fahasara dödö zidarua
Andrö ba zonekhe wanörö tundraha
Andrö ba zonekhe wanörö owo sebua
Nifataba na so mbade sebua
Nifosao na so nangi mbara daya
Böi ata'u wolaya ba nasi sabakha
Me so Zo'aya zifao awöda
Nifa'anö Kat. Ingatan Sihura.
1 comments:
Moledo nowo kõfa, molua nowo mali,
hadia yawa nõsi, siwa feti mbalaki aya ndaono na furi.
Posting Komentar