Liturgi Taroma Li Döfi A/B/C, hlm. 13.
FOMBASO I
Taroma Li Lowalangi nihalö moroi ba zura Yesaya, sama'ele'ö.-
Somuso tödö dania danö si mate, tanö andrö si lö
idanö. Tanö si lö sinanö, ba sowuawua tödö ba mobowo, simane ladari mböhö.
Mobowo somasi ia ba
owuawua dödö, owuawua dödö ba muhi'a dödö.
Fa'amoadu hili
Libano tebe'e khönia ba fa'asökhi hili Geremeli ba fa'asökhi ndraso
andrö ba Zarona.
I'ila dania lakhömi
Zo'aya ba anehe ia wa'ebua Lowalangi andrö.
Mi'abölö'ö danga andrö si no atata ba mi'abe'e'ö mbalöduhi andrö sangiwangiwa! Mimane ba zi no tobali tödö : Mi'a'aro'ö dödömi, böi
ata'u ami! Hiza Lowalangimi!
Ya'ia zi so, ba
I'orifi ami. So Ia ba wamatörö huku ba zi fa'udu khömi.
Ba da'ö dania
teboka hörö zau'a, ba tögi dalinga zafiso.
Ba manaoka niha si no
ombuyumbuyu töla hulö mböhö, ba manunö lela niha si lö hede mege.
Mangawuli niha
nihöli Zo'aya andrö, manunönunö ira wangawuli ba hili Ziona.
Fa'omuso dödö si lö
aetu ba mbawara, falukha ira wa'owuawua dödö ba fa'iki.
Ba fa'abu dödö ba
fangaröngarö, ba no taya.- Yes 35:1-6a.10
Simanö daroma li Lowalangi.- Sato: Ma'andrö …
Sinunö Fanema Li
: Psallite No
146B
(ma Laudate No 21 ma 23)
FOMBASO II
Taroma Li Lowalangi
nihalö moroi ba zura Yakobo.-
Ya'ami ira
talifusö !
Mibologö dödömi
wombase'ö, irugi luo we'aso Zo'aya. Simane sonowi göi, me ibase'ö mbua danö andrö, sami sibai. Ba wa'ebolo dödö ibase'ö deu mbaŵa wananö. Simanö
göi ami:
mibologö dödömi,
mibalobaloi ba
mi'a'aro'ö dödö, me tebai zi lö tohare ngaluo we'aso Zo'aya. Böi
mibaosi dödömi ba böi faoma mihuku nawömi, ya'ami ira talifusö, ena'ö böi Ihuku ami So'aya. Hiza, sa ba mbawandruhö Zanguhuku andrö. Mifaigi ndra sama'ele'ö me föna, si no fahuhuo ba döi Zo'aya. Labologö dödöra ba lataögö wamakao. Mibali'ö ira dumaduma khömi. No falukha ira wa'ohauhau dödö, börö me so khöra wanaha tödö.-
Yak 5:7-11a
Simanö daroma li Lowalangi.- Sato : Ma'andrö …
Sinunö Föna Injil
: Psallite No
202 (ma Laudate No 104)
INJIL
Turia Somuso Dödö khö
Yesu Keriso nisura Matai'o.-
Me luo da'ö, me irongo Yohane bakha ba gurunga, hadia
nilau Keriso, Ifatenge ndra nifaha'önia, ba lasofu khöNia lamane : "Hadia, Ya'ugö zi möi andrö, ma mabalobaloi niha bö'ö?" Itema lira Yesu, Imane khöra : "Mi'ae, mi'ombakha'ö khö Yohane
nirongomi awö ni'ila hörömi: Ifuli la'ila niha sau'a, ba mowaöwaö niha
sombuyumbuyu töla, döhö wökhö zobou auri, larongo li niha safiso, ba maoso
zi mate, ba ba zi numana te'ombakha'ö duria somuso dödö. Ba
tefahowu'ö zi lö fatuwu Ndra'o." Me no mofanö ira, Ibörögö muhede
Yesu ba niha sato sanandrösa khö Yohane, Imane : "Hadia nifaigimi, wa möi
baero ami ba danö si mate, hadia sukhu nifaheuheu nangi? Ma hadia, wa möi baero
ami? Hadia ba wamaigi niha sonukha sombuyumbuyu? Hiza, ba nomo razo so niha sonukha sombuyumbuyu. Ma hadia, wa möi ami
baero? Hadia, ba wamaigi sama'ele'ö? Uŵa'ö khömi : Yohane andre, ba töra moroi
ba zama'ele'ö. Ya'ia andrö zi no tesura: Hiza,
Ufatenge fönaU
tengetengeGu andrö, ba wama'anö lalaMö fönaU. Sindruhu niŵa'öGu khömi:
Lö irai so niha sebua
moroi khö Yohane Same'e Fanasa andrö, ba gotalua niha gulidanö fefu. Ba hiza, niha
fondrege zide'ide ba gamatöröŵa zorugo
andrö, ba no ebua moroi khönia."- Mat 11:2-11
Simanö duria somuso dödö khö Zo'aya ya'ita, Yesu Keriso.-
Erönua:
MI’MUSOI’Ö DÖDÖMI!
Bakha
ba wombaso siföföna tarongo, hadia zalua me mangawuli Ndraono Gizara’eli moroi ba wanibo’ö ba Mbabilonia.
Lö
asökhiwa
ba danöra
andrö.
Lö
tumbu hadia ia ba
danöra, ba banuara adudu. Bakha ba wa’auri safönu fa’abu dödö ba fa’aetu
wanötöna andrö, ibe’e khöra wamehulu dödö Yesaya sama’ele’ö. Fefu nösi wombaso siföföna andrö no turia somuso dödö niha wamondrongo. Alua fefu da’ö börö wa’omasi Lowlaangi ba khöra.
Bakha ba wombaso sidua andrö tarongo menemene Yakobo
ena’ö lö mamalö so ita ba wanaha tödö. fefaoda ba wamatörö ulidanö andre, no soguna
ba wangohahau’ö tödöda, ba tödö zato göi. Lö mamalömalö tabokai dödöda ya’ita
niha Keriso ba wa’auri si bohou sedöna tohare, ya’ia wanguhuku safuria. Börö
da’ö datahöna khöda wa’ebolo dödö, he ŵa’ae mena’ö asese falukha ita wamakao
awö zi lö atulö ba me no oi fa’ambö aboto ba dödö zi so. Ba wanaha tödö tesöndra
wa’omuso dödö si lö mamalömalö.
Bakha ba duria somuso dödö andrö tarongo hewisa wanofu
Yohane andrö so’amakhaita khö Yesu. He wa’ae hulö so wangiwa dödö khö Yohane,
ba hiza börö zalua ni’ila hörö niha ba sagahölihöli dödö andrö, lö mamalö
ifaduhu’ö Yesu andrö sifao famati. Turia sanandrösa khö Yesu andrö ba no turia
fa’omuso dödö ba niha samati.
Sitölu ngawua wombaso andre, sindruhu lö mamalö te’oroma’ö
khöda wa’omuso dödö si lö mamamlö. Turia we’aso Yesu andrö ba no turia
fangomuso dödö ba niha sanötöna ba wamati. Hewa’ae fa’afökhö ba fa’akao nitaögö
na dali wa’aniha, ba hiza mowua ia fa’omuso dödö ba wamati ba no tobali ia
ndrela ba wondrugi fa’auri si lö aetu. Ba gafuriata amaedola nono niha zanguma’ö:
“Böi mi’ege’ege ba mbawa wa’olofo, me no manaronaro fönau mbawa wa’abuso”. Ya lö
mamalö sanau ölö ita irugi gamozua ba wamati, me ba da’ö tasöndra wa’auri si lö
aetu ba wa’omuso dödö ba khö Zo’aya. Amen.
Nifa’anö Kat. Ingatan Sihura, S.Ag.
Umbu:
Biro Liturgi
Keuskupan Sibolga, Liturgi Taroma Li Döfi
A/B/C Buku Bacaan Untuk Upacara Hari Minggu dan Hari Raya dalam Bahasa Nias,
Gunungsitoli, Keuskupan Sibolga, 2012
Dianne Bergant,
CSA & Robert J. Karris, OFM (ed) Tafsir
Alkitab Perjanjian Lama Yogyakarta Kanisius, 2002
Dianne Bergant,
CSA & Robert J. Karris, OFM (ed) Tafsir
Alkitab Perjanjian Baru Yogyakarta Kanisius, 2002
Martin Harun,
OFM, Matius Injil Segala Bangsa Yogyakarta: Kanisius, 2019
St. Eko Riyadi,
Pr, Matius “Sungguh, Ia Ini Adalah Anak Allah!” Yogyakarta: Kanisius,
2011
2 comments:
Mantap katekis
Saohagolo Ama.
Posting Komentar