Mi’omusoi’ö dödömi (Hoho Adven si-3)

Nifa’anö: Kat. Ingatan Sihura.

Mi’omusoi’ö dödömi

Ya’ami niha samati

Me adven si 3 zi no murugi

Me no ahatö duria si sökhi

 

Somuso tödö niha samati

Saro tödö wangalui fa’auri

Yesaya zanuriaigö fa’auri

Turia si’oroi Lowalangi

 

Oi ba mbawara wa’iki

Sikhalara moginigini

Fa’amo’adu hili Geremali

Wanöndrara lakhömi

 

Sowuawua tödö ira wombaloi

Mbua danö andrö sami sibai

Ira sama’ele’ö khöra ni’odali

Dumaduma khöra ba wa’auri

 

Oi lö khöra famadöni

Lö khöra sifatahi

Yakobo khöra zangorisi

Sanura sura Katoli

 

Yohane göi zangorisi

Ba nifaha’ö silöfaröi

Hadia Ya’ugö nibalobaloi

Zolohe fa’auri ba niha samati

 

Ha’iwaö göi Yesu wangorisi

Fa’ema nirongo ba ni’ilami

Niha sau’a la’ila mboto nakhi

Sombuyumbuyu manaoka mane laosi

 

Da’ö wa’omuso dödö ba niha samati

Si lö faröi na ilau riri

So Yesu sangöhöli

Samotakula fa’auri