GOIGOI BA WANGOFANÕI SAGÕTÕ GINÕTÕ FÕNA PASKAH

 

Faudu molo’õ sura namada Uskup Sibolga, Mgr. Fransiskus Tuaman Sasfo Sinaga, so goigoi sedõna ifasugi khõda sagõtõ ba wangofanõida inõtõ fõna paskah. Goigoi da’õ simane da’e:

Sifõfõna, fefu niha samati molo’õ lala wamaluania zamõsana si lõ tola lõ’õ ifalua wamalalini era’era faudu molo’õ huku wa’alowalangi (KHK kan. 1249). Ba ginõtõ wamalalini era’era andre idõnia’õ Gereja fefu umat <<ena’õ i’alui sambua ginõtõ ba wangandrõ, ba wamalua ibadat, ba ba wamalua bua fa’omasi, mangositengagõ boto sifao famalua lala halõwõ sinangea ifalua sifao fa’ahele dõdõ ba fa’owõlõ’õlõ ba abõlõ sõkhi ba wamalua fuasõ ba famoni>> (KHK kan. 1249).

Simendrua, sitobali tandra wamalalini era’era sifao sato, i’andrõ Gereja ena’õ lõ mamalõ ta’o’õ goigoi andre sinangea nifalua ba ginõtõ wuasõ ba famoni sagõtõ gofanõwa ngaluo ginõtõ fõna paskah:

1.      Mamoni ba fuasõ ba ngaluo rabu awu, 02 Maret 2022 ba ngaluo Jumaha Sebua, 15 April 2022. Ba ginõtõ Jumaha tanõbõ’õ ba ginõtõ fõna paskah nifalua ba ha famoni manõ.

2.      Silo tola lõ’õ mamalua fuasõ faudu molo’õ huku Gereja ya’ia fefu zi no biha boto irugi bõrõta ndrõfi si õnõ ngafulu (60) fakhe (KHK kan. 1252). Nifotõi si no biha boto andrõ ba ya’ia zi no irugi dõfi fele walu (18) fakhe (KHK kan. 97:1). Fuasõ andrõ ba mo’eluaha “ha sakali abuso ba zi sara ngaluo”.

3.      Si lõ tola lõ’õ mamalua famoni ba ya’ia zi no irugi dõfi fele õfa (14) fakhe mi’awa (KHK kan. 1252). Famoni sedõna mufalua ba da’e ba ya’ia w aero ngambatõ, ma angowuloa, ma ero zamõsana, ifili zilõ’õlõ’õnia sambua zi tota i’amoni’õ ia, simane femanga nagole, femanga zi so asio, femanga ngawalõ zami’ami, famadu roko ma famadu tuo nifarõ, ba tanõbõ’õnia.

4.      Na tola bõi ua mufalua watomesa ma ngawalõ gangowuloa sihufahufa ba zisagõtõ ginõtõ wuasõ ba famoni.

Goigoi wuasõ ba famoni ba Gereja Katolik sindruhunia no sindruhu aoha sibai ba tola mufagamõi. Si so bakha ba goigoi andre ba no fondrege zilõ’õlõ’õnia; eluahania goigoi da’e ba silõ’õ’lõ’õnia zinangea tafalua. Sinangeania na tatandraigõ ena’õ tõra nifaluada moroi ba nifakhoi andre.

Goigoi andre ba no ni’ali moroi ba zura namada Uskup Sibolga No. 052/KS-Pa/2022