Lala Wamalua Fanema Sakramen Fangefa Horõ (Rumus Singkat).

 Lala Nitõrõ

Ba Wamalua Fanema Sakramen Fangefa Horõ

*================================================*

 

  Niha sedõna manema sakramen fangaku horõ, I’ondrasi Gere ba ituhi danõ ba iwa’õ:

Iraono              : He Ama, fahowu’õ ndra’o niha si so horõ.

  Aefa da’õ, ibe’e wamahowu’õ Ere ba niha andrõ ifalua gõi dandra rõfa.

Ere                   : Ya’Ihagaini dõdõu ba Ibe’e khõu wa’atuatua So’aya,

                          ena’õ atulõ wangakui horõu,

                          ba ena’õ ihakhõsitõdõ ndra’ugõ.

  Ba dõi † Nama ba Ono ba Eheha Ni’amoni’õ.

Iraono              : Amen.

Iraono              : He Ama, Fangaku horõ andre

  ba no sifõfõna ia khõgu.

U’akui horõgu tanõfõna Lowalangi

ba tanõfõnau ya’ugõ Amagu.

Horõgu ba ya’ia da’õ:

1.      …………. 2.…………. btn.

Na no aefa itõtõi ngawalõ horõ, awena itohugõ wanguma’õ:

Mangesa dõdõgu ba horõgu fefu,

ba u’andrõ khõu Ama, ena’õ õ’efa’õ horõgu,

ba õ’amenesi ndra’o soguna ba wa’aurigu.-

Na no aefa da’õ awena ibe’e menemenenia Ere.

Ere                   : Onogu ni’omasi’õ …….btn……

                          Na no aefa ibe’e menemenenia ere, I’andrõ gõi ena’õ talau wangandrõ.

Onogu ni’omasi’õ, na mangawuli’õ dania ba mbakubakumõ ba õlau wangandrõ………

Na no aefa da’õ, awena ifazawa dangania ere ba iwa’õ:

Ere                   : Lowalangi, Ama fondrege zahakhõ tõdõ,

no I’atulõ’õ nõsi gulidanõ ba khõNia,

bõrõ wa’amate ba femaoso NonoNia.

Ba no Ifatenge Geheha Ni’amoni’õ ba wangefa’õ horõ.

Bõrõ wanema Gereja, ya’I’amualagõ khõu wangefa ba fa’atulõ.

BÕRÕ DA’Õ U’EFA’Õ FEFU HORÕU,

BA DÕI † NAMA BA ONO BA EHEHA NI’AMONI’Õ.

Ba ginõtõ ibe’e wangefa andrõ ere, ifalua gõi dandra rõfa niha sangaku horõ.

Iraono              : Amen.

                          Awena ifuli ia ba mbakubakunia niha ba ilau wangandrõ ni’oroi’õ gere khõnia.