FE’ASODA BA GULIDANÖ (nyanyian penghiburan untuk duka)

(Bait I)

Ba we’asoda ba gulidanö

Ha sikoli sanörö

Hulö zifuloi manö wofanö

Lö hadöi si’ogötö’ö

Hulö we’aso na tohare zanagö

Oi si lö mudönadöna

Si manö sa we’aso Yesu So’aya

Wogaoni zamösana

 

(Bait II)

Na tafaigi tafakhölö ita

Danö si so ya’ita

Lö sofozu lö so’ahonoa

Na dali wa’aniha

Andrö ya’ita samati khö Zo’aya

Datahaogö wangerangera

Me lö tatu wogaonida khö Zo’aya

Urakha zamösana

 

(Bait III)

Hulö mofanö ndrulu nidanö

Mofanö mbalö molö

Na alua sa gabula dödö

Ogömi gulidanö

Ha sambalö sa so’ahonoa

Samati ba khö Zo’aya

Mo’urakha wa’auri

Tandra wemöna na lö aefa khö Nama

 

(Bait IV)

Na tola tasofu sa ginötö

Hadia mbawa wofanögu

Data’osara’ö fefu dödö

Talifusö omasi’ö

So Ikaoni satua talu ba bihasa

So Ikaoni ba lölö ndraono

Lö ifaigi zi kayo si so ba faka

Dali sa zomasi Ia

 

(Bait V)

Me fofanögu no aösö’aösö

Wogaonigu khö Zokhö

Tebai sa mena fabali, mofanödo

Khömi ira talifusö

Lö nasa mofanödo na dali niha

Wa’afökhö wabalisa

Me no irugi inötö khö Zo’aya

Tabologö sa dödöda

 

(Bait VI)

Mangona ndra’odo, mofanödo

Talifusö sitenga bö’ö

Na so zala olalöwa ba zilalö

U’andrö mi’efa’ö

Böi mifamalömalö wangandrö

Salihugu talifusö

Afu usöndra nahia sohahau dödö

Khö namada sondrorogö

Cat: Teks lagu ini di dapatkan dari seorang teman di Pekan Muzoi dan tidak diketahui pasti pencipta lagunya.

untuk nadanya bisa disaksikan di Video FB Ingatan Sihura