HOHO WA’OMUSO DÖDÖ PASKAH

Hadia dönumö fa’afökhö

Hadia daniu fanandraigö

 

No numalö wa’afökhö

No aefa wanandraigö

 

No mutenawa wa’afökhö

No muröi anandraigö

 

Fa’amate wozu wa’afökhö

Fanandrawaisi dani wanandraigö

 

Ha boto tanö zanaögö fa’afökhö

Ha tödö wa’aniha nitandraigö

 

Boto sauri nisusugi Zokhö

Tödö saro ni’omasi’ö Zokhö

 

Folo’ö sa daludalu wa’afökhö

Famati sa mbaluse wanandraigö

 

Famoröfa wozu wango’ayaMö

Fa’amate nidönadöna zifatiu tödö

 

Famoröfa no möi dela wangatulö’ö

Fa’amate ndrela wangöhöli ba horö

 

No göi mu’alani wa’amate barö danö

No mubokai mbawa ndruhö lewatö

 

No mususugi Yesu si no tötönafö

Me no tölu ngaluo wombase’ö

 

Ama ba zorugo zame inötö

Ya’ia zamataro fefu da’ö

 

Andrö tobali fa’omuso dödö

Ba niha samati ba danö

 

Da’ö paskah fa’omuso dödö

Wemaoso Yesu moroi ba lewatö

 

Ira alawe zi’oföna wanuriaigö

Ba nifaha’ö si teduhö tödö

 

Lö botonia ba lewatö

No maoso Ia iwa’ö mala’ika sanarogö

 

FemaosoNia da tafaduhu’ö

Ba lala wa’auri bongi ma’ökhö

 

Oleh: Kat. Ingatan Sihura

Lubuk Harapan, 20 April 2025