Hiza namada sabögubögu
Amada si bihasa safusi bu
No mani’o ia töla ndrurundruru
No mangehao ia no manukhu bu
Hiza göi ninada ina wandru
Inada si sökhi lagu si fahuwu
No mangehao ia no mamake gamu’u
No ifake nukha sanau baru gau
No mamagaölö ahe wanörö lala saröu
No faofao fa’itaria lafahasu
Lö fa’ata’u ba wa’okafu
Lö famakhölö he humokha börö mbu
Ba Mbetilekhema lawaö talabu
Möi ita ba wanunu fandru
Datatema’ö Yesu si tumbu
Solohe khöda fa’auri si lö aetu
He oya wondröni dödö samaelungu
Datatou’ö ita ba danga Yesu
Ya’ia dötönafö nitugu
Same’e fa’auri sindruhu
Da göi taturiaigö Ia wa no tumbu
Ba nawöda sifalukha sifahuwu
Datafuli sumange nama si samösa tölu
Ena’ö tesöndra wa’atulö ba gulidanö ma’a fefu
Hoho Nifa’anö Kat. Ingatan Sihura
Dalam Rangka Perayaan Natal Tahun 2024
Selamat Natal; Ya’ahowu Wanunu Fandru
0 comments:
Posting Komentar