HOHO NGONINGONI

Foto Bersama Tim Cheking Soera Ni'amoni'ö
Bertempat di Gereja BNKP Jemaat Petrus Ombolata Seminari

Hadia gohitö dödö zatua si tobini

Ya’ia ena’ö so khönia nono matua si sökhi

Sanohu nga’ötö ia na furi

Si möi göi ngoningoni fatua lö fabali

 

Siwa waŵa ia ba nahia si sökhi

Ni’amoni’ö, si lö nendreö, si lö nininini

Me nirorogö nina si sökhi

Nibalazoi nama si lö tebato böböi

 

Me no tumbu ia kohakoha li

Labe’e töi nia enoni

Me latötöna tobali ia ngoningoni

Niha sato sibai

 

Me no ebua ia tola ni’oni

Me no göi lafahaö ia tobali ngoningoni

Lö aetu tobali ia ngoningoni

He niha zangoni mendrua manö Lowalangi

 

He ba zima’ökhö he ba zi bongi

Lö aetu möi ia wokubaloi

Biribiri lowalangi

Si zawili ba danö sebolo sibai

 

Ya’ia dötönafö we’amöi ngoningoni

Ya’ia zolohe tanga irugi baero soi

I’otarai danöniha side’ide sibai

Irugi danö Geremani si’otarai taroma li

 

He lö mamalö zikhalania wa’amu’i

Ba dödönia lö mamalö wa’asökhi

Lala wangerangerania yae wa’oginigini

He hada nono niha mendruamanö na taroma li

 

Andrö wa molemba dödö nono alawe samaigimaigi

Ya’ia nono alawe mado Gea siso farange sisökhi

Darua ira no tobali ngoningoni Lowalangi

Lö mo’aetufa ira faoma manundreheni

 

He no 60 fakhe khönia ndröfi

Lö manö ba högönia mbu safusi

Asala lala halölö ba khö Lowalangi

Ha sambua daokania guli nasi

 

Töi namada andre ya’ia Tuhoni

He no fasiu, lö aetu möi ia nasa ngoningoni

Simanö we’amöi enoni

Ha folo’ö da’ö wanema li

 

 

Selamat Ulang Tahun Bapak A. Chania Telaumbanua

Semoga Tuhan tetap memberikan kesehatan dan kebijaksanaan-Nya.

Amin.