Me no alele no ateu dödö
Me no no aetu ahele danö
Me no fabali dalifusö ni'omasi'ö
Me no mofanö iröi gulidanö
No mangona ia lö mangawuli
No mofanö ia lö famaigi furi
Lö khöma famadòni ya’aga sitoröi furi
Lö khöma fanabigö fondröni furi
Me tenga nihalö nemali
Me tenga nihalö niha samabali
Me no angetula zame fa’auri
Me no famatörö Lowalangi
Ha fanou'ö ba danga Zo'aya
Ha fanötöna khö Nama
Ena’ö te’efa’ö ngawalö golalöwa
Tehakhösitödö ba ngawalö zifasala
Andrö hasara dödö zi fatalifusö
Andrö faondra zi tenga bö’ö
Wolohe ba danö zinanö Zokhö
Timba danömö zinanö soliwiö
Ha boto tanö nibini’ö ba danö
La khöminia no mu’irö’ö
Fanörö tödö ba zitenga bö’ö
Mböwönia ba zi no numalö
=======================
Böi busi dödö yawa gate
Böi busi dödö yawa mbo
Me tenga sifabali zimate
Ha sifabalo nahia wetaro
Böi alömö ba hunö wa'afatö dödö
Böi ahöndrö ba mbusibusi dödö
Ya’ita ha sikoli ba danö
Ya’ia zi so ba ngai Nama sangandröngandrö
Datatohu mböwö si no mubörögö
Databohouni ia hulö liwö’ö
No mofanö dalifusö moroi ba gulidanö
Talifusö niröi zanohugö
Andrö tafatohu mbeka tabuaö
Andrö tatohugö wofanö
Tatou'ö ba danga Lowalangi lala wofanö
Tatou'ö khönia ni'era'era dödö
Yesu Gubalo si lö faröi
Ya’ia nawö si lö irai fabali
Ba niha si lö faröi ba wamati
Me ya’ia gumbu wa’auri
0 comments:
Posting Komentar