FANGANDRÖ NA NO AEFA WAMAHOWU’Ö WANGOWALU (PESTA/SYUKURAN)

FAMOBÖRÖ

Sinunö: LAUDATE No.  80 ma 81 ma 86 ma 136 ma 137.

Son.:      Ba döi † Nama ba Ono ba Eheha Ni’amoni’ö.

Sato:     Amen.

Son.:     Ya nisuno döi Zo’aya.

Sato:     Iada’a ba irugi zi lö aetu.

Son.:     Ya’ami ira talifusö,

              no owulo ita ba da’e ba wangowasaini sakramen fangowalu dalifusöda ..... khö dalifusöda .........

              Fao ita ba wa’omuso dödö khö ndra talifusöda andre si darua sangowalu ba mangandrö ita salahira khö Lowalangi.

              Datahonogö dödöda ba datahaogö ita ena’ö sinangea ita ba wefao ba wangandrö si fao fa’amoroi ba dödö.                                                                                                         Ahono

Son.:     Damangandrö ita.

              He Lowalangi fondrege zoböwö.

              Ya Öfondrondrongo gangandröŵama andre ba ya Öduwagö kharasiU khö ndra talifusöma andre si darua sangowalu ....... ba ............

              Ya Ö’a’aro’ö gohitö dödöra ena’ö faoma abölö la’omasi’ö nawöra, faoma lafosumange nawöra ba faoma si lö faröi ira wanolo awöra ba faoma si so fa’ahele dödö ira ba wanehegö fa’akao, ena’ö sökhi wobanua ba ena’ö itugu tedou ba wa’asökhi GerejaMö andrö.

              Simanö gangandröŵama nifa’ema Keriso, So’aya ya’aga.

Sato:     Amen.

 

LITURGI TAROMA LI

 

Taroma li Lowalangi

nihalö moroi ba zura Waulo ba niha samati ba mbanua Gorindro.   

      

Ya’ami ira talifusö!

Fa’omasi andrö no sebolo tödö ba si sökhi tödö. Lö afökhö dödö wa’omasi andrö, lö ilau waya’osa ba lö khönia fa’a-si-lö-yaŵa. Lö ilau zi lö enahöi fa’omasi andrö ba lö i’alui harenia samösa; lö itehegö mofönu ia ba lö itanö ba dödönia zala niha bö’ö. Lö omuso dödönia ba wa’a-lö-atulö; baziduhu omuso dödönia. Lö omasi ia na te’ala zi samösa niha, ba hiza, gofu hadia zalua, faduhu dödönia ba lö aetu wanötönania khönia ba lö mamalö ebolo dödönia ba wombalombaloi. Lö moaetufa wa’omasi andrö.- (1 Kor. 13: 4-8a.13)

Simanö daroma li Lowalangi.-        

        

RENUNGAN SINGKAT

FANGANDRÖ FANGASIWAI

Son:       Damangandrö ita.

He Lowalangi, So’aya ya’aga. Ya’ugö zogaoni niha, ira matua, ira alawe, ena’ö laröi ndra amara, inara ba molemba ira ba ngambatöra ba tobali ha sambua.

Ma’andrö saohagölö khöU, me no Ö’osara’ö zi darua niha andrö ............. ba ........... ba warongasa ba sakramen fangowalu. Aro’ö wa’omasi ba fahowu’ö ira ba wame’e khöra nga’ötö mitou, tobali fangomuso dödöra. Ya Ösulöni wanolo niha fefu si fao ba wamasindro ngambatö si bohou andre he ba wangebua’ö ya’ira irugi tobali ira niha sibihasa, ba he göi si fao ba wama’anö famalua falöŵara irugi ma’ökhö.

Ya Ösulöni khöra ngawalö wanolora. Ba ya irugi gamozua wa’aurira lö aefa ira ba wahuwusara, irugi faoma fatambai la’omusoi’ö dödöra ba wamaigi Ya’ugö.

Simanö gangandröŵama nifa’ema Keriso, So’aya ya’aga.-

Sato    :  Amin

Son.:      Iada’a datarahugö fefu gangandröwada wanguma’ö:

Sato:      He Ama khöma . . . Me khöU wa’asalaŵa . . . .

 

FANGASIWAI

 

Son.:      Ba ya’ifahowu’ö ita fefu

               Lowalangi si lö ambö fa’abölö:

               † Ama ba Ono ba Eheha Ni’amoni’ö.

Sato:      Amen.

Sinunö: LAUDATE No. 92 ma 131 ma 136 ma 137 ma 169