Doa-Doa Dasar Gereja Katolik dalam Bahasa Nias

 SIA’A WANGANDRÕ GEREJA KATOLIK

 

Ilustrasi Doa [Dok. Pribadi]

Tandra Rõfa (Tanda Salib)

Son.  : Ba dõi Nama ba Ono ba Eheha Ni’amoni’õ.

Sato  : Amen.

Son. Eluahania Sondrõnia’õ atau pemimpin. Sato eluahania Niha tanobõ’õ atau umat.

=========================================

He Ama Khõma (Bapa Kami)

 

He Ama khõma si so ba zorugo,

ya ni’amoni’õ dõiU,

ya tobali amatõrõwaU fefu niha,

ya itõrõ zomasi Ndra’ugõ hulõ simane

ba zorugo, ya simanõ gõi ba gulidanõ.

Õma sirugi ma’õkhõ be’e khõma ma’õkhõ andre,

ba efa’õ khõma horõma simane fangefa’õma gõi

ba niha si fasala khõma.

Ba bõi fa’amõi ndra’aga ba wanandraigõ,

ba efa’õga moroi ba zi lõ sõkhi.-

Me khõU wa’asalawa awõ wa’abõlõ

awõ lakhõmi, gõtõgõtõ wa’ara.-

Amen.

=========================================

Ya’ahowu Maria (Salam Maria)

 

Son.  : Ya’ahowu Maria safõnu kharasi

            So’aya zifao khõu.

            Nisuno ndra’ugõ moroi ba gotalua ndra’alawe,

            ba nisuno gõi dabinau andrõ Yesu.

Sato  : He Maria ina Lowalangi.

            Angandrõ salahima ya’aga si so horõ

            Iada’a ba irugi wa’amatema.

Sato  : Amen.

=========================================

Lakhõmi (Kemuliaan)

 

Son.  : Lakhõmi khõ Nama ba Ono ba Eheha Ni’amoni’õ.

Sato  : Simane ba mbõrõta, iada’a ba irugi zi lõ aetu.

Sato  : Amen.

=========================================

U’akui (Saya Mengaku)

 

U’akui tanõ fõna Lowalangi si lõ ambõ fa’abõlõ ba fõna ndra talifusõ fefu,

wa no ebua sibai horõgu, ba gera’era, ba wehede, ba gamuatagu,

he gõi wangositengagõ folau si sõkhi.

Sindruhu wa fasala ndra’o, fasala ndra’o, fasala sibai ndra’o.

Bõrõ da’õ u’andrõ khõ santa Maria, ono alawe si lõ mamalõmalõ,

khõ ndra mala’ika ba ira niha ni’amoni’õ fefu,

ba khõmi gõi, ya’ami ira talifusõ,

ena’õ mangandrõ ami salahigu khõ Zo’aya Lowalangida.

=========================================

Ya’o Mamati (Aku Percaya)

 

Ya’o mamati khõ Lowalangi Ama si lõ ambõ fa’abõlõ,

sanga'asogõ banua si yawa awõ danõ.

Ba khõ Yesu Keriso OnoNia si ha samõsa, So’aya ya’ita,

si no te’otabinagõ moroi khõ Geheha Ni’amoni’õ,

ni’adonogõ nono alawe Maria,

si no manaõgõ famakao barõ  mbawa Wondrio Filato,

no teforõfa mate ba lako’o Ia.

No mõi ia ba mbanua niha tou,

ba ba ngaluo si tõlu no maoso Ia moroi ba gotalua zi mate.

No manahae ia mõi ba zorugo,

dumadao ba gambõlõ Lowalangi Ama si lõ ambõ fa’abõlõ.

Moroi ba da’õ mangawuli Ia dania,

manguhuku niha sauri awõ zi no mate.

Ya’o mamati khõ Geheha Ni’amoni’õ,

Gereja Katolik ni’amoni’õ,

fa'awõsa niha ni’amoni’õ,

fangefa horõ, femaoso mboto,

fa’auri si lõ aetu. Amen.

=========================================